भन्नाट लव्हस्टोरी असलेला ‘ती & ती’चा ट्रेलर प्रदर्शित
मृणाल कुलकर्णी दिग्दर्शित ‘ती & ती’ चित्रपटाचे काही दिवस पूर्वी मोशन पोस्टर प्रदर्शित झाले आणि प्रेक्षक या चित्रपटाची एक छोटीशी झलक पाहण्यास आतुर झाले होते. नुकताच या चित्रपटाचे ट्रेलर प्रदर्शित करण्यात आला आहे.
या चित्रपटात पुष्कर जोग, प्रार्थना बेहरे आणि सोनाली कुलकर्णी यांची प्रमुख भूमिका असलेला ‘ती & ती’ अर्बन रोमँटिक कॉमेडी चित्रपट आहे. ‘ती’ कोण? आणि मग ‘ती’ कोणाची आहे? अशाप्रकारे पडलेल्या प्रत्येक प्रश्नांची उत्तरं ट्रेलरमध्ये प्रेक्षकांना मिळालीच असतील. प्रत्येक मुलाच्या आयुष्यात अशी एक ‘ती’ असते जी त्याला कधीच मिळत नाही पण तिला तो कधीच विसरु शकत नाही. प्रार्थना बेहरे आणि सोनाली कुलकर्णी यांच्या भूमिकेची हिंट मिळाल्यामुळे या प्रेमाच्या लव्ह ट्रँगलमध्ये त्यांची नेक्स्ट स्टेप काय असेल हे जाणून घ्यायची उत्सुकता देखील नक्की वाढणार.
या सिनेमाच्या निमित्ताने मृणाल कुलकर्णी यांचे दिग्दर्शन कौशल्य पुन्हा एकदा पाहायला मिळाले आहे.आनंद पंडीत यांच्या मोशन पिक्चर्सच्या सहकार्याने गुझबम्प्स एंटरटेनमेंट आणि हायपरबीस मिडिया यांनी या चित्रपटाची प्रस्तुती केली आहे. भन्नाट लव्हस्टोरी असलेला ‘ती & ती’ चित्रपट येत्या 1 मार्च 2019 रोजी प्रेक्षकांच्या भेटीस येतोय.
महत्वाच्या बातम्या –