राहुल गांधींवर केलेल्या लाठीचार्जवर स्वरा भास्कर संतापली
काँग्रेस खासदार राहुल गांधी आणि काँग्रेस पक्षाच्या सरचिटणीस प्रियंका गांधी यांच्या विरोधात महामारी अ‍ॅक्टनुसार गुन्हा दाखल करण्यात आला आहे. उत्तर प्रदेशातील इकोटेक पोलीस ठाण्यात हा गुन्हा नोंदवण्यात आला आहे. राहुल आणि प्रियंका गांधी यांच्यासह १५३ कार्यकर्ते आणि ५० इतर लोकांवर १५५/२०२०, १८८, २६९, २७० आयपीसी आणि ३ महामारी अ‍ॅक्ट अन्वये हा गुन्हा दाखल करण्यात आला आहे.
पोलिसांच्या या कारवाईवर स्वरा भास्कर हिने संताप व्यक्त केला आहे. “शाबाश राहुल गांधी” अशा आशयाचं ट्विट करुन तिने काँग्रेसचं कौतुक केलं आहे. सोबतच तिने राहुल गांधी यांनी केलेल्या आंदोलनाचा एक व्हिडीओ देखील पोस्ट केला आहे.
राहुल आणि प्रियंका गांधी यांनी लाँग मार्च काढला होता. मात्र या दरम्यान राहुल गांधी यांना धक्काबुक्की झाल्याचा आरोप होतो आहे. तर प्रियंका गांधी यांना पोलिसांनी कुटुंबीयांना भेटण्यापासून रोखल्याचा आरोप होतो आहे.
Well done @RahulGandhi ! Resolve! 👏🏽👏🏽👏🏽👏🏽 #StandUpForJustice #UPRapeEpidemic #EndRapeCulture #Hathras https://t.co/UJpcE9XG0s
— Swara Bhasker (@ReallySwara) October 1, 2020