‘केवळ या व्यक्तिमुळेच मी नागपुरी भाषा शिकलो’

प्रियदर्शन जाधव देखील ‘मी पण सचिन’चित्रपटामध्ये एक महत्वाची भूमिका बाजवताना दिसतोय. प्रियदर्शन हा या सिनेमात विकी आमले नावाची भूमिका साकारतो आहे. विकी हा सचिनचा म्हणजे स्वप्नील जोशीचा मित्र असतो. विकी सचिनच्या चांगल्या, वाईट गोष्टींमध्ये नेहमी सोबत असतो. विकी आमले साकारताना प्रियदर्शनला अनेक गोष्टी शिकाव्या लागल्या. त्याच्या या अनुभवाबद्दल प्रियदर्शन सांगतो.

हा चित्रपट मला ऑफर झाल्यानंतर मला अनेक गोष्टी शिकायच्या होत्या. त्यात महत्वाची एक गोष्ट शिकणे आवश्यक होते ते म्हणजे नागपूरची मराठी भाषा. कारण हा चित्रपट नागपूर आणि त्याच्या आजूबाजूला घडतो. त्यामुळे तिकडची भाषा शिकणे माझ्यासाठी एक आव्हानच होते. परंतु श्रेयश जाधव हा मूळचा नागपूरचा असल्याने त्याने मला तिकडची भाषा शिकण्यासाठी खूप मदत केली. कोणतीही भाषा शिकणे त्या भाषेचा एक लहेजा बोलण्यात आणणे सोपे नाहीये, कारण मी भाषा शिकण्यास सुरुवात केल्यानंतर काही वेळाने पुन्हा आपल्या रोजच्या मराठी भाषेत बोलायला लागायचो. बोलताना माझी भाषा कधी बदलायची हे माझेच मला समजायचे नाही. आणि मग त्यातून सेटवर माझी खिल्ली उडवायचे. खूप मजा यायची मला. पण शेवटी मी ती भाषा बोलण्यास शिकलो. चित्रपटात माझ्या भूमिकेला योग्य न्याय मिळेल एवढी भाषा मी नक्कीच आत्मसात केली आणि याचे श्रेय मी श्रेयशला देतो.

महत्वाच्या बातम्या –

• बहीण ‘सारा’ने घेतली बेबी ‘तैमूर’ची जागा
• ‘सेल्फी विथ सॅंडल’चा सोशल मीडियावर धुमाकूळ
• ‘हा’ चित्रपट ठरला रमेश भाटकर यांचा अखेरचा चित्रपट
• ज्येष्ठ अभिनेते रमेश भाटकर यांचे निधन