#MeToo; राजकुमार हिरानीवर लैंगिक शोषणाचा आरोप
राजकुमार हिरानीवर लैंगिक शोषणाचा आरोप झाला आहे. संजू चित्रपटाच्या निर्मितीनंतर हा धक्कादायक प्रकार झाल्याचं पीडित महिलेने सांगितले आहे. हिरानीवर आरोप करणाऱ्या महिलेने संजू चित्रपटाची सहाय्यक दिग्दर्शिका म्हणून काम केले आहे. राजकुमार हिरानीनं अनेकदा लैंगिक शोषण केल्याची व्यथा पीडित महिलेने मांडली.
राजकुमार हिरानीने केलेल्या कृत्याची माहिती पीडित महिलेने विधू विनोद चोप्रा यांना मेलद्वारे दिली.हिरानी यांच्यावरील सर्व आरोप खोटे असल्याचं वकील आनंद देसाई यांनी म्हटलं आहे. ‘हिरानी यांच्यावरील सर्व आरोप तथ्यहीन आहेत. त्यांची प्रतिमा मलीन करण्यासाठी रचलेलं हे षडयंत्र आहे,’ अशी प्रतिक्रिया देसाई यांनी ‘हफिंग्टन पोस्ट’ या इंग्रजी संकेतस्थळाला दिली.
‘राजकुमार हिरानीनं 9 एप्रिल 2018 ला अश्लिल शेरेबाजी केली. त्यानंतर त्यांनी त्यांच्या घरी आणि कार्यालयात जबरदस्ती करण्याचा प्रयत्न केला. त्यावेळी माझ्याकडे गप्प राहण्याशिवाय कोणताही पर्याय नव्हता. जेव्हापर्यंत मी शांत राहू शकत होते, तोपर्यंत गप्प बसले. कारण त्यावेळी मला नोकरी टिकवायची होती. मी त्यावेळी काही बोलले असते, तर माझं काम वाईट आहे, असं हिरानी यांनी सर्वांना सांगितलं असतं. त्यामुळे माझं भविष्य उद्ध्वस्त झालं असतं,’ अशी व्यथा पीडितेनं मेलमधून मांडली आहे.
महत्वाच्या बातम्या –