‘या’ चित्रपटात एकत्र झळकणार राजेश शृंगारपुरे, भूषण प्रधान….
कोकणातील ‘शिमगा’ हा सण महाराष्ट्रात नव्हे तर संपूर्ण देशातच प्रसिद्ध आहे. याच सणाशी संबंधित ‘शिमगा’ हा चित्रपट लवकरच प्रेक्षकांच्या भेटीला येत आहे. काही दिवसांपूर्वी या चित्रपटाचा टिझर आणि टायटल साँग प्रदर्शित करण्यात आले आहे. ते पाहून प्रेक्षकांची या चित्रपटाबद्दलची उत्सुकता अधिकच वाढली आहे.
नुकतेच या चित्रपटाचे नवीन पोस्टर प्रदर्शित करण्यात आले आहे. या पोस्टरमध्ये राजेश शृंगारपुरे आणि भूषण प्रधान आक्रमक भावमुद्रेत दिसत असून त्यांच्या मागे आगीच्या ज्वाळा आणि त्यात पेटत असणारे घर दिसत आहे. आता या ज्वाळा शिमगा संबंधित आहेत की अजून दुसरे काही कारण आहे हे चिञपट पाहिल्यावरच समजेल.
या चित्रपटात राजेश शृंगारपुरे, भूषण प्रधान आणि कमलेश सावंत यांच्यासह विजय आंदळकर, सुकन्या सुर्वे आणि मानसी पंड्या यांच्या भूमिका आहेत. श्री केळमाई भवानी प्रॉडक्शनची यांनी या चित्रपटाची निर्मिती केली असून निलेश कृष्णा यांनी या सिनेमाचे लेखन आणि दिग्दर्शन केले आहे. हा चित्रपट १५ मार्च रोजी प्रदर्शित होत आहे.
महत्वाच्या बातम्या –