मी एकालाही सोडणार नाही, मीदेखील एक राजपूत आहे – कंगना रणौत

On Jan 18, 2019

कंगना रणौतचा ‘मणिकर्णिका : द क्वीन ऑफ झांशी’ हा चित्रपट आता पुन्हा एकदा वादात सापडला आहे. या चित्रपटावरून करणी सेनेकडून धमक्या येत असल्याचा आरोप कंगनानं केला आहे. जर करणी सेनेनं मला धमक्या देणं थांबवलं नाही तर मी एकालाही सोडणार नाही, मीदेखील एक राजपूत आहे हे त्यांनीही लक्षात ठेवावं अशा इशारा कंगनानं दिला आहे.

एएनआय या वृत्तसंस्थेने दिलेल्या वृत्तानुसार, करणी सेनेच्या महाराष्ट्र विभागानं या चित्रपटावर आक्षेप नोंदवत निर्मात्यांना पत्र पाठवलं आहे. या चित्रपटात राणी लक्ष्मीबाईंची प्रतिमा मलिन करण्याचा प्रयत्न केला आहे, असा करणी सेनेचा आरोप आहे. चित्रपटात काही आक्षेपार्ह दृश्य दाखवली असतील तर मात्र निर्मात्यांना याचे वाईट परिणाम भोगावे लागतील असंही या पत्रात म्हटलं होतं.

या संपूर्ण प्रकरणावर कंगनानं निषेध नोंदवला आहे.‘चार इतिहासकारांसह सेन्सॉर बोर्डानंही चित्रपटाला हिरवा कंदील दिला आहे असं असताना करणी सेनेच्या आक्षेपाचं कारण काय?’ असा रोखठोक सवालही तिनं केला आहे.‘मणिकर्णिका : द क्वीन ऑफ झांशी’ हा चित्रपट २५ जानेवारीला प्रदर्शित होत आहे.

महत्वाच्या बातम्या –

कंगना रणौत मणिकर्णिका : द क्वीन ऑफ झांशी