अक्षय कुमार दिसणार ट्रान्सजेंडर भूताच्या भूमिकेत
अक्षय कुमार लवकरच एका हॉरर कॉमेडी चित्रपटात दिसणार आहे. ‘कंचना २’ या तामिळ चित्रपटाचा हा हिंदी रिमेक असल्याचं म्हटलं जात आहे.
‘लक्ष्मी बॉम्ब’ असं या चित्रपटाचं नाव असून त्याचा पोस्टर नुकताच प्रदर्शित झाला आहे. चित्रपटात अक्षयसोबत कियारा अडवाणी प्रमुख भूमिकेत आहे.
या चित्रपटात एका ट्रान्सजेंडर भूताने अक्षयच्या शरीराचा ताबा मिळवलेला असतो. यामध्ये अमिताभ बच्चनसुद्धा भूमिका साकारणार असल्याची चर्चा आहे. राघवा लॉरेन्स या चित्रपटाचं दिग्दर्शन करत असून ५ जून २०२० रोजी हा चित्रपट प्रदर्शित होणार आहे.